Цөлжилт нь дэлхий нийтийн тулгамдсан асуудлын нэг бөгөөд уур амьсгалын өөрчлөлт, ган гачиг, хүний зохисгүй үйл ажиллагааны улмаас эрчимжиж байна. Монгол Улс газар нутгийнхаа ихэнх хувьд хуурай, гандуу бүсэд хамаарах бөгөөд нийт нутаг дэвсгэрийн 64.7 хувьд цөлжилтийн үйл явц илэрч, 76 орчим хувь нь их, бага хэмжээгээр доройтолд өртсөн байна .Үүний улмаас хөрсний элэгдэл, усны нөөцийн хомсдол, шороон шуурганы давтамж нэмэгдэж, бүс нутгийн хэмжээнд (БНХАУ, БНСУ зэрэг орнуудад) сөрөг нөлөө үзүүлж байна. Цөлжилттэй тэмцэх үр дүнтэй арга нь ургамлан нөмрөгийг нэмэгдүүлэх, мод тарих, ойжуулах ажил боловч үүнийг тогтвортой, олон нийтийн оролцоонд тулгуурлан хэрэгжүүлэх шаардлагатай. Иймд залуучуудын мэдлэг, оролцоо, манлайллыг нэмэгдүүлэх замаар цөлжилтийн эсрэг бодит үйл ажиллагааг өрнүүлэх хэрэгцээ бий болж байна.